“Badoaz bi eta erdikoa erortzen da” txistearen antzekoa da, baina kontua da orain norbait dagoela erdian, txisteak ez duela graziarik eta benetako drama bat dagoela, hain zuzen ere.

Hirukote honek 75 minutuko saioa dakar, kritika eta umore lotsagabez osatuta, bai euren buruaz baita Millenial belaunaldi osoaz ere. Euren umoreak ez du inor axolagabe uzten, eta eztabaida, eguneroko bizitzako dilemak eta pertsonon akatsak dira beraien gairik gogokoenak.