Mendiko lasterketetan punta-puntan ibiltzen diren Euskal Herriko bederatzi korrikalarik osatzen dute taldea, eta tartean dira bailarako bi: Ibai Angulo azpeitiarra eta Borja Zubizarreta azkoitiarra. Euskal Herrian trail munduko erreferentziazko taldea izateko sortu dute Domusa Teknik Team, eta, horretarako, besteak beste, korrikalari gazteei lekua egin nahi diete eta Taupada Urdina sortu, Euskal Herriko mendiak urdinez jantziko dituen mugimendua.