Hau ez da baso bat. Hamen lurra karratua da. Hamen ilarak osatzen doguz. Hamen gatxa da gauzak sustraitik moztea. Hamen, eta hor, eta han. Hau monolaborantza da. Gure bizi-eredua, paisaian islatua…Nerea IbarzabalHarreman historiko baten istorioa da: lurjabea eta langilea. Inbaditzailea eta exotikoa. Handinahikeria eta zuhurtzia. Hiria eta herria. Industria eta paisaia. Boterea eta beharra. Pertsona eta arbola. Paternalismoz jositako harreman absurdo bat. Elkar ulertzen saiatzen dira, elkarrekin lan egiten dute, elkarrekin sortzen dute historia, baina elkarri mina ematen diote. Harreman historiko toxiko bat. Batek efizientzia nahi du, emankortasuna, etekina… inkonformista da. Besteak sinpleki, iraun, bizi. Fitxa artistikoa:- Jatorrizko ideia: Jon Ander Urresti
- Testuak: Nerea Ibarzabal, Jon Ander Urresti, Matxalen de Pedro, Beñat Urrutia
- Antzezleak: Jon Ander Urresti, Beñat Urrutia
- Musika: Amorante, Atton Goikoetxea, Unai Renteria, Areta Senosiain
- Kamisetak: Aitane Goñi
- Soinuztapena: Asier Renteria
- Irudia: Arriguri
- Argiztapenaren diseinua: David Bernués
- Teknika: Mikel Unamunzaga