Kultur programaren 29. edizioaren egitarauaren barruan. HOFE x 4:40 deitzen da Igotz Mendez (Hofe) abeslaria eta Xabier Lafuente eta Marcos Galech (4:40) ekoizleak biltzen dituen proiektua. Hiru gazte horien arteko lotura musikal sendoa nahiko berria bada ere, hirukoteak bost urte baino gehiago daramatza Iruñeko eszenan lan egiten, aurretik musikan aritu baitziren Nibbass aurreko taldearekin, eta Euskal Herriko underground eszenan ospe handia lortu zuten. “Amorrua” HOFE x 4:40 taldearen lana da, argitaratu berria, Oso Polita etxearen eskutik. Batera egindako lehen mixtapea, elektronikak markatua eta trap-etik new wave edo synth pop-era bitarteko askotariko musika-generoen eragina duena. Abesti itsaskorrak eta dantzatzekoak eskaintzen ditu, jarreraz beteriko letrak, eta zinemarako erreferentzia artistikoen garrantzia azpimarratzen dute, gai bakoitzean eragina izanik, hori guztia estetika bisuala zein soinuzkoa zehatz-mehatz zainduta.