Itun bat, kode sekretu bat, denboraren kapsula bat, agindu bat . . . 20 urte barru leku berean eta ordu berean. Zuhaitzeko etxe zaharra, non bi lagunek beren aisialdiko arratsaldeak partekatzen baitzituzten, jolas, barre, fantasia eta konplizitate artean. Denbora aurrera doa, eta distantzia saihestezina da, baina ez du esan nahi ahaztu behar dugunik. Distansek adiskidetasunaz hitz egiten du: urteak igaro arren gure bihotzetan bizirik dirauten oroitzapenez. Gizakiaren hauskortasunaz hitz egiten du, hausturaz, bakardadeaz, eta besteekiko harremanak birsortu eta berreraikitzeko gai den maitasunaz. Zirku akrobatiko eta keinu-antzerkiko eszenen bidez, ikuskizun organiko, sentikor eta dibertigarria osatu dute. Garraio akrobatikoak, akrobazia dinamikoak, soka makalak, malabare musikalak, zuzeneko musika, barra finkoa, slapsticka, keinu-antzerkia, dramaturgiak lagunduta istorio hurbil eta hunkigarria osatzen duten tresnak dira. Fitxa artistikoa:- Zuzendaritza: Lapso producciones
- Aktoreak: Sara Ortiz, Albert Moncunill Ferrer