Olga Tokarczuk-en literatur solasaldia
Gertaeraren datuak
Antolatu du
donostiakultura.eus
Non
San Telmo Museoa
Noiz
13/03/2020
2018ko Literatur Nobel sariduna den Olga Tokarczuk idazle poloniarra martxoaren 13an San Telmo Museoan izango dela jakinarazi nahi du Donostia Kulturak. Jarduera honek Literaktum Topaketak programari hasiera emango dio. Eremu berri honetan, urtean zehar ibilbide ezaguneko nazioarteko egileen bisitak jasoko ditugu. Europako literaturan aditua den Mercedes Monmany idazleak lagunduta, Olga Tokarczukek bere ibilbide literarioa berrikusi eta 2019an argitaratutako Los Errantes nobelara (Bieguni jatorrizkoan, Lasterkariak) hurbilduko gaitu. Jarduera hau Madrilgo Poloniako Kultura Institutuarekin batera antolatua izan da. Olga Tokarczuken hitzekhonela definitzen dute bere obra: "Jendea batzen duen literaturan sinesten dut, zein antzekoak garen erakutsi eta guztiok hari ikusezinez lotuak gaudela jabetzera garamatzana. Munduaren historia osotasun bizi eta bateratu bat balitz bezala kontatzen duena, gure begien aurrean etengabe garatzen dena; gu zati txiki bat baino ez garena, baina aldi berean ahaltsua". Hitzaldia San Telmo Museoko Kaperan izango da arratsaldeko 19:00etan, eta sarrera librea izango da aretoa bete arte. Poloniako idazte eta saiogilea (Sulechów, 1962) Nobel sarien ehun urte luzeko historian izandako hamabosgarren emakume saritua bihurtu zen iaz. Epaimahaiak "irudimen narratiboa" eta "pasio entziklopedikoa" txalotu zituen. Egilea ezaguna da bere herrialdean mugimendu ultraeskuindarren kontrako aktibismoagatik. Psikologoa prestakuntzaz, nobelak, eszena-egokitzapenak, ipuin-liburuak eta hainbat poema-bilduma kaleratu ditu Tokarczuk-ek. Bieguni (Lasterkariak) nobelatik bi testu euskaratu ditu Uxue Alberdik eta Armiarma. eus-eko Euskarari ekarriak sailean daude. Lotura.
Iruzkinak
Hasi saioa iruzkin bat argitaratu ahal izateko.