Beste edizio batez Udaberri Kulturala abian jarriko da maiatzaren 2tik 12ra Etxebarrin. Adin guztientzako jarduerak antolatu dira: Liburu Azoka, irteerak, antzerkiak, kultur ekitaldiak, bereziki euskara sustatzeko asmoz. 

- Maiatzaren 2a: Laburbira -Euskarazko Film Laburren XXI. zirkuitoa. Kultur Etxean, 19:00etan.
- Maiatzaren 9-10-11: XX. liburu eta Disko Azoka. Udaletxeko plaza (17:00-20: 00). Aurkezpena eta irekiera-ekitaldia 18:00etan.
- Maiatzak 9: Alex Txikon – "Mundu bat Motxilan" liburuaren aurkezpena eta ondorengo proiekzioa. 19:00 CIME 2. solairua.
- Maiatzaren 10a: "Marraka" kaleko antzerkia, hankapalu ikuskizuna, 18:00etan.
- Maiatzaren 11: "Danzjolas" kaleko antzerkia, 13:00etan, eta "Egun on Sikiera", 19:00etan.
- Maiatzaren 12a: Herri Urrats – Senpererako irteera, 8:30ean. 
- Maiatzaren 12a: Haurrentzako Opera "Hirira" ABAO txiki 12:00. Arriaga Antzokia.

Bereziki azpimarratzekoa da aurten Euskarazko Liburu eta Azokaren XX. Edizioa ospatuko dela horretarako Azokaren irekiera ekitaldi berezia izango da maiatzaren 9an arratsaldeko 18:00etan Etxebarriko udaletxeko plazan. Gonbidatu berezia izango da Alex Txikon mendizalea,lemoaztarrak jarraian bere liburua “Mundu bat Motxilan” aurkeztuko du eta poriekzioa ere izango da.

Maitzaren 10ean ere arratsaldez eta maiatzaren 11n goiz eta arratsaldez azokan erakusgai eta salgai jarriko dira euskarazko azken nobedadeak (liburuak, diskoak, jolasak. . ) eta etxebarritarrentzako oso prezio bereziak izango dira, guztira, produktuen %20 deskontua izango baitute euren jatorrizko prezioarekiko. Azpimarratu behar da Azokan, gaur egungo argitalpenez gain, Etxebarriko bi udal liburutegiek euren lekua izango dutela. Udal Liburutegiek egun hauetan euren materiala azokan jarriko dute erakusgai herritarrek ezagutu dezaten , bertan Liburutegien Txokoa dinamizatuko da.

Udaberri kulturaleko beste jarduera bat eta lehena, maiatzaren 2an izango da, Euskarazko Laburmetraiak proiektatuko dira Kultur Etxean 19:00etan, bertan izango da gonbidatu Ane Cuesta “Zirrara” laburmetraiaren zuzendaria.

Horretaz gain, maiatzaren 12an beste bi jarduera antolatu dira.  Herri Urratseko ikastolen festara antolatuko da autobusa, Senperera (Lapurdi). Tiketen salmenta online egingo da, apirilaren 27tik aurrera, www. etxebarri. eus webgunean. Egun horretan bertan, "Hirira" ABAO txikiren umeentzako opera jarduera ere izango da. Tiketak online salduko dira, hemen: www. etxebarri. eus. Informazio gehiago ere lor daiteke 944 267 005 telefonoan eta euskarazerbitzua@etxebarri. eus helbidean