Ederlezi abesbatza 2018an sortu zen, Donostiako Emakumeen Etxean talde-kantuko tailer bat egitearen ondorioz. Jarduerak arrakasta handia izan zuen; izan ere, 2018ko urrian 40 emakumek eman zuten izena, eta poliki-poliki 30 bat emakumez osatutako talde sendo eta iraunkorra eratu da, koruarekiko konpromisoz beteriko emakumeekin. Gaur egun, koruaren errepertorioak munduko hainbat musika-tradiziotatik datozen abestiak biltzen ditu, eta, pixkanaka, emakume konpositore eta moldatzaile garrantzitsuen konposizioak eta moldaketak integratuz joan da. Hasieratik, Bettina Aragon Hillemannek zuzendu du abesbatza.