Musiketan. Parisen bizitzen 25 urte baino gehiago daramatzala, deserriraturiko newyorktarra balitz bezala, Elliott Murphy rocker eta idazle beteranoaren karrera sekula baino biziago dago. 35 disko baino gehiago argitaratu ditu, Europa osoan zehar jotzen du eta fikziozko idazle oparoa da. Lau hamarkada pasa dira “Aquashow” bere lehenengo album hauslea editatu zuenetik (1973), eta zaleek oraindik betetzen dizkiote kontzertuak, kritikoek lanak laudatzen dizkioten bitartean. 2016. urtean “The Second act of Elliott Murphy” dokumental autobiografikoa aurkeztu zuen, Billy Joel edota Bruce Springsteen bezalako artistei egindako elkarrizketekin osatua. Europa osotik eraman zuen, eta Donostian Publikoaren Saria irabazi zuen Dock of the Bay Jaialdian.