Trini Fox taldeak YK Riders skate eta bizikleta taldearen kanta egin du. Kanta horren bideoklipa grabatu behar du Kulturaz kooperatibak, eta horretarakon zuzeneko kontzertu bat eskainiko da Izarraizko Atea parkean. Trini Fox taldeak YK Riders taldeari egin dion kantaren bideokliparen grabaketarako deialdi irekia egin dute antolatzaileek. Kulturaz kooperatibak grabatuko du bideoklipa, eta asmoa, Izarraizko Atea parkean Trini Fox taldearen kontzertua irudikatzea da, skate parkearen barnean sartuta. Arratsaldeko 18:30etan skate parkean erabiltzaileen irudiak hartuko dira. Dj-ak izango dira bertan giroa berotzeko. 21:30etan Trini Fox taldeak kontzertua eskainiko du bertan, jendez inguratuta, bideokliparen grabaketa gauzatu dadin.