Aurreko urteetan bezala, Berrizko Udalak udarako kultur programazioaren berri eman du. Horrela, Berriz Kulturaz Blai 2024 berriro ospatuko da uztailean eta irailean, ipuin kontalariarekin, kale antzerkiarekin eta folklore ikuskizun batekin. Programazio berezia uztailaren 4an hasiko da Bego Alabazan ipuin kontalariaren eskutik Liburuen magia lanarekin. Berrizburuko igerilekuetako berdegunean izango da arratsaldeko 17:30ean. Uztailaren 11n, arratsaldeko 17. 00etan, Ganso&Cía konpainiaren Welcome antzezlana antzeztuko da eskolako patioan, eta 18an (17. 00etan Olakueta plazan), Cia Barsantiren LJ75 obra interpretatuko da. Uztaileko programazio berezia hilaren 23an amaituko da Hungariako folklore jaialdi batekin. Bestalde, irailean bi ikuskizun eskainiko dira. Lehenengoa, hilaren 19an,  Azken Festa lanarekin. Bestalde, 26an, Markeliñeren Art-Ilusio ikuskizuna Berrizen izango da. Ordutegiak eta programazio osoa hemen.