Elkarguneak: begiradak beste diziplina batzuetara zikloak hainbat topaketa ekarriko ditu Ziudadelako Arma Aretora arte-diziplina ezberdinetako zenbait emakumerekin Iruñeko Udalak antolatuta eta Letrazaurituak ekimenak komisariatuta, programa irailaren 5etik abenduaren 12ra bitartean eginen da, eta lau saio izanen ditu: Antzerkiari, arteari eta musikari buruzko hiru elkarrizketa eta CIBERLOCUTORIO podcasta zuzenean egitea.
Lucía Carballal, María Folguera, Eugenia Tenenbaum, Coco Dávez, Anna Pacheco, Andrea Gumes, Miren Iza eta Lorena Álvarez izanen dira Iruñera etorriko diren gonbidatuak.
Sarrera librea izanen da jarduera guztietan, leku guztiak bete arte, eta izena eman beharrik gabe. Elkarguneak zikloa proiektu berri bat da eta irailetik abendura bitarte, lau saiotan, xede du esparru sortzaile ezberdinetako zenbait emakumerekin topaketa, elkarrizketa eta hausnarketarako espazio bat sortzea. Elkarguneak zikloa Letrazaurituak jaialdiari lotuta jaio zen –dagoeneko ezinbesteko hitzordua da Iruñeko kultur programazioan– eta urrian seigarren edizioa izanen du. Literatura garaikidean erreferente diren 50 egile igaro dira dagoeneko bertatik, Luna Miguel, Alana S. Portero, Sabina Urraca, María Bastarós, Belén Gopegui, Cristina Morales, Remedios Zafra, Uxue Alberdi, Cristina Rivera Garza, María Fernanda Ampuero, Cristina Fallarás, Elizabeth Duval, Aixa de la Cruz, Paula Bonet, Elena Medel, Irene Solà eta Sara Torres, besteak beste. Nerea Madariaga eta Carolina Otamendi jaialdiaren zuzendariek, 2023an bosgarren urteurrena zela-eta, zinemari, telesailei eta ilustrazioari buruzko hiru topaketa antolatu zituzten, eta Estibaliz Urresola, Isabel Peña, Joana eta Mirea Vilapuig, María Herreros eta Conxita Herrerok parte hartu zuten bertan. Topaketa horiek izan zuten harrera ona ikusita, literaturaz haraindiko beste diziplina batzuetara begirada horri jarraipena ematekoziklo bat egitea otu zitzaien, urtero aukera izan zedin kultur esparru ezberdinetako artistei eta dibulgatzaileei entzuteko. Horrela sortu zen ELKARGUNEAK, nortasun feministarekin eta emakumeek beren lanarekin, diskurtsoekin eta lanekin sortzen ari direnari ahotsa eta protagonismoa ematen jarraitzeko helburuarekin. Horren erakusle dira programa osatzen duten ekitaldiak:-IRAILAK 5. 19:00. ANTZERKIA
La palabra en escena: cuando el texto se hace carne
Lucía Carballal eta María Folgueraren arteko topaketa. Ana Maestrojuanek bideratuta. -URRIAK 15. 19:00. ARTEA.
Artea dibulgatzea: mendeetako misoginia konpontzen
Coco Dávez eta Eugenia Tenenbaumen arteko topaketa. Zuriñe Lafónek bideratuta. -AZAROAK 9. 12:00. PODCASTA.
Ciberlocutorio podcast kultural eta feminista zuzenean egitea, Anna Pacheco eta Andrea Gumesen eskutik. -ABENDUAK 12. 19:00. MUSIKA.
Miren Iza (Tulsa) eta Lorena Álvarezen arteko topaketa.
Ondoren, bien arteko kontzertu txiki bat, haien abestiak elkarrizketan jarriz.
Laura Torrek (Melenas) bideratuta. PROTAGONISTAKIrailaren 5eko saioa
Lucía Carballal antzerki-egile eta -zuzendaria da. Teatro de la Comedian estreinatu den La fortaleza lana idatzi eta zuzendu du oraintsu. Horren aurreko lana, Los pálidos, Zentro Dramatiko Nazionalean estreinatu zen eta Zuzendari Berri Onenaren ADE saria jaso zuen. Horien aurretik honako hauek idatzi zituen: La actriz y la incertidumbre Zentro Dramatiko Nazionalaren LAPIRA proiektuaren barruan, Las bárbaras –Zentro Dramatiko Nazionala–, La resistencia –Teatros del Canal antzokian estreinatu zen–, Una vida americana –Teatro Galileon antzeztua eta egile onenen Max Sarietako finalista– eta Los temporales –Zentro Dramatiko Nazionala–. La uña rota argitaletxeak argitaratutako Las últimas liburukian bilduta daude guztiak. Antzerkian egindako ibilbidearekin batera, ikus-entzunezkoen gidoilari gisa lan egin du. Maria Folguera idazlea eta kultur kudeatzailea da. Bere sorkuntzarik berrienen artean daude Hermana (Placer) eleberria, Aliantzak argitaratua, eta Marcela antzezlanak (Cervantesen abesti bat), Leticia Dolera eta Celia Freijeirorekin batera 2024an eginak, Picasso (erregea, munstroa eta pailazoa), 2023an Rhum y Cía taldearentzat egina eta biran dabilena) eta Safo (Focusen ekoizpena, Christina Rosenvinge eta Marta Pazosekin batera 2022an eginikoa). Sendero Fortún diptikoa zuzendu eta idatzi zuen (2019-2020) Centro Dramático Nacional delakorako, baita La guerra según Santa Teresa ere, 2018an Madrilgo Udazkeneko Jaialdian estreinatu zena. Beste bi eleberriren egilea da, eta narratibako hainbat antologiatan agertzen da. 2018tik 2023ra Madrilgo Circo Price antzokiko zuzendari artistikoa izan zen. Eszena-zuzendaritza ikasi zuen RESADen eta Literaturaren Teoria Unibertsitate Konplutentsean. Gaur egun bere laugarren eleberria idazten ari da, Kultura Ministerioaren laguntza eman baitiote. Aholkulari gisa lan egiten du INAEM, CDAEM eta Acción Cultural Españolaren zirku-proiektuetan. Moderatzailea: Ana Maestrojuán (Iruña, 1976)
Eszena-zuzendaritzan eta Dramaturgian lizentziatua (Bartzelonako Institut del Teatre), Magisteritzan diplomatua (NUP), arte dramatikoko ikasketak egin zituen Iruñeko Nafarroako Antzerki Eskolan, bere jaioterrian. Zuzendaritza artistikoaren arduraduna izan da Producciones Maestras-en. Konpainia horren ekoizpen gehienen egile eta zuzendaria da. Emakume geldiezina, beti dago etengabeko prestakuntzan, etengabeko bilakaeran. Bi aldiz jaso du (2017, 2019), antzerkigile gisa, Iruñeko Udalaren SORKUNTZA ARTISTIKOAREN SARIA, eta 2009an Iruñeko Gayarre Antzokiak emandako Egile berrien obra txikiak zikloaren sarietako bat lortu zuen. 2004. urtean San Miniaton (Italia) sortutako eta hainbat nazionalitatetako antzerkigilez osatutako “La playa” dramaturgia-taldeko kidea da. Urriaren 15eko saioa
COCO DÁVEZ. Valeria Palmeiro, Coco Dávez izenez ezagunagoa, bere ibilbidea hainbat arlotan garatzen duen artista da, besteak beste, pinturan, argazkilaritzan, komunikazioan eta arte-zuzendaritzan.
Bere unibertso koloretsuak hainbat markarekin kolaborazioak bultzatzen jarraitzen du, hala nola Chanel, Shiseido, Netflix, Kenzo, Dior, Prada, Vogue, Jean Paul Gaultier, New Balance, Loewe, Playstation, Bombay Sapphire eta Vans-ekin.
Londres, Hong Kong, Paris, Queensland, Miami, Lisboa, Bartzelona, Madril eta Santiago De Chile hirietan erakutsi du bere lana.
2018an bere lehen liburua, Faceless, argitaratu zuen Lunwerg argitaletxean (planeta).
2021ean abiarazi zuen bere proiekturik pertsonalena: “eldarnio baterako parte-hartzaileak” izeneko podcast-a.
Forbes aldizkariak behin baino gehiagotan aukeratu du erreferente gisa artearen munduan. EUGENIA TENENBAUM. Eugenia Tenenbaum genero-ikuspegian espezializatutako arte-historialaria da, eta kultura dibulgatzen eta artea kritikatzen du sare sozialetan, batez ere Instagramen eta Patreonen. Komunikatzaile gisa, bisita gidatuak, hitzaldiak eta lantegiak ematen ere lan egiten du arteari, feminismoei eta genero-harremanek biltzarretan, unibertsitateetan, institutuetan, museoetan eta beste espazio batzuetan ekoizpen artistikoaren sorkuntzan, harreran eta hedapenean duten eraginari buruz. 2022an argitaratu zuen bere lehen liburua, La mirada inquieta, arteari buruzko saiakera, eta 2023an bere lehen fikziozko lana, Las mujeres detrás de Picasso. Moderatzailea: ZURIÑE LAFÓN, Kultura bisualari buruzko ikertzailea eta unibertsitateko irakaslea. Nafarroako Unibertsitatean, Kataluniako Nazioarteko Unibertsitatean, Errioxako Unibertsitatean eta Montevideoko Unibertsitatean eman ditu eskolak; beste enpresa eta erakunde batzuetako kultura-arloetan lan egin du, hala nola Bilboko El Correon eta Thyssen-Bornemisza Museoan. Horiekin batera irudi garaikideei buruzko dibulgazioa egiten du pinturari, argazkilaritzari eta zinemari buruz pentsatzeko sortutako Atelier de imágenes proiektuaren bidez. Gaur egun, Deshabitar el encuadre liburua idazten ari da, Espainiako emakumeen argazki-artxibo batzuei buruzko ikerketa. Azaroaren 9ko saioa, CIBERLOCUTORIO
Andrea Gumesek eta Anna Pachecok beren obsesioak, beldurrak eta bestelako saltsak lantzen dituzte podcast amaigabe honetan. Batzuetan bakarrik eta beste batzuetan lagunduta. Psikologoak ordaintzea baino askoz hobea. Azaroaren 12ko saioa
MIREN IZA (TULSA) (Donostia, 1979) euskal konpositore eta abeslaria da. 2007tik, eta Tulsa izen artistikoarekin, zazpi disko argitaratu ditu. Gaztelaniazko abestiak idazten ditu, pop bokazioz abestutako kontakizunak. Genero desberdinetako emakumeen eragin handia du, abesti melodikoa, bluesa, dream popa, Mari Trini, Beach House, Bessie Smith eta Karen Daltonena, besteak beste. Zinemari dion maitasunak hainbat proiektu zinematografikotan parte hartzera eraman du; hala, musika jarri dio Malagako Zinemaldian zilarrezko Biznaga saria jaso zuen Jonás Truebaren Los exiliados románticos filmari, baita Raúl Santosen Ignonauta luzera ertaineko filmari ere. 2007an Grammy Latinoen sarietarako errebelazio-artista izendatu zuten. 2023an, bere zigulu propioan, Matxitxako diskoa argitaratu zuen, Amadora estudioan grabatutako zazpigarrena, eta Maria Velasco antzerkigileak idatzi eta zuzenduta haren antzerki-bertsio bat egin zuten. LORENA ÁLVAREZ(San Antolín de Ibias, 1983) “Bertso aske bat Espainiako musikaren panoraman”, “punk kantautorea”, “berezkotasuna darion arima urduri bat”, edo “egile-kantugintza garaikideko erreferentea” dira, besteak beste, lortu dituen kalifikazioetako batzuk; baina berak ihes egiten die, ez baitu sutan dagoen uztai batetik pasatzera behartuta dagoen lehoi etxekotu bihurtu nahi, eta bere bideari jarraitzen dio, libre, bide hori urrats sendoz irekiz, poesiak eta musikak garai hauetan zer esana dutela irmo sinetsiz, eta, batez ere, artea ez dagoela haiek sinetsarazi nahi diguten lekuan.
Musikagilea, ekoizlea eta interpretatzailea, margolaria ere izan da. La Cinta (Sones, 2011), Anónimo (Sones, 2012) bere lehen LPa, Dinamita EPa (Producciones Doradas, 2014), Colección de Canciones Sencillas LPa (Primavera Labels/Universal Music, 2019) eta Londresko UsTwo Games estudio ospetsuaren Alba, A Wildlife Adventure (2020) bideojokoaren soinu-bandaren konposizioa argitaratu ditu. LORENA ÁLVAREZ haize freskoa izan zen musikaren eszenan, eta aitzindaria musika folklorikoaren aukerak azaltzen eta errebindikatzen; hain zuzen, ondoren artista askok egin duten bidea ireki du, musika tradizionalaren ohiko teknikak gaindituta, eta lortu du musika folklorikoa garaikidetasuna eta tradizioa konplexurik gabe eskutik joan daitezkeen testuinguru berri batean kokatzea. ´ Oinarri horren gainean eraiki du poesia sentiberenaren eta atzigaitzenaren eta lur emankor eta harroenaren artean mugitzen den obraren aldamioa, bihotza uzkurtu baina arima jasotzen duten abestiz betea, betiere parekorik ez duen haren estilo berezian, kantautoreak gurekin partekatu dituen emanaldi guztiak bezain era berezian.
Haren azken lanak, Lorena Álvarez eta los Rondadores de La Val D ´ Echo (El Volcán Música, 2021) Huescako Pirinioetan laut- eta bandurria-jotzaileen dantza-orkestra batekin batera grabatu zutenak, agerian uzten du, berriz ere, musika tradizionala eta herrikoia gaur egungo panoraman txertatzeko espazio baten bilaketa nekaezina. Lorenaren hitzetan, espazio hori “giza-harremanen zerbitzura dagoen musika gisa gorpuzten da, abestien espirituen zerbitzura dauden pertsonetan, oinak lurrean dituen musika gisa, hori da niretzat kulturaren eta artearen esanahia. ”
Azken urtean zehar, Lorena kantu horiek eta bere errepertorioko aukeraketa bat –hari-instrumentu horietara egokituta– aurkezteko bira zirraragarri batean murgilduta egon da, Víctor Herrero Portugalgo gitarraz, Carlos Aquilué lautean eta Vicente Pérez kontrabaxuan lagun dituela, besteak beste, Madrilgo Infanta Isabel Antzokian, Gijóneko Nazioarteko Zinema Jaialdian, Galiziako Atlantic Festen eta Suediako Clandestino Festivalen. Moderatzailea: LAURA TORRE VALL (Iruña, 1983)
Artearen Historian doktorea, Argazkilaritzaren Historian espezializatua, “Argazki-ibilbideak eta lurralde diskurtsiboak: XIX. mendeko Espainiako bidaien argazki-bilduma” tesia egin zuen.
Musikarekin uztartu ditu ikertzaile, kuradore eta irakasle lanak, eta Panty Pantera, Río Arga eta, batez ere, Melenas taldeetako bateria-jotzaile gisa aritu da. Gaur egun azken talde horretan dabil buru-belarri.