Bilboko Institutu Frantsesarekin elkarlanean, hitzordua proposatzen du Artium Museoak, hilean behin, frantsesezko filmak jatorrizko bertsioan ikusteko eta, ondoren, ikusitakoari buruzko ideiak eta iritziak partekatuz solasaldia egiteko, frantsesez hori ere. Hileko azken asteartean izaten dira saioak. Ekainaren 25ean, 18:30ean
Une femme à la mer. Céline Baril, 2022. FR azpitituluekinTurkiako hegoaldeko penintsula batean lehen opor-eguna gozatu beharrean, Anna lozorro astun batean harrapatuta dagoela dirudi, Thomas senargaia konturatu gabe. Arratsaldean, neska bat hondartzan desagertzen denean, animatu egiten da eta haren bila joatea erabakitzen du, nahiz eta ezezaguna izan eta gaua erori. Que la bête monte. Marthe Sebille, 2021. FR azpitituluekinLanda eremuan izandako autobus istripu baten ondorioz, Lupak Albani jarraitzea erabaki du. Alban oinez doa gertuen dagoen herriraino. Bidezidorra hartzea erabakitzen dute, baina baso arraro batean galtzen dira.