2024ko Literaturia jaialdiaren barruan. Letrazaleek maiatzaren 24tik 26ra izango dute zabalik "euskal letren plaza", Zarautzen. Hiru egunez, Literaturia literatura jaialdia ospatuko dute kostaldeko herrian, "(B)egia" leloa hartuta, "begiaren eta egiaren arteko baturak eragiten dituen ideia asoziazioetan" sakontzeko. Azken batean, "sinetsi ahal dugu ikusten dugun hori?". Maiatzaren 25ean, larunbatean, Gotzon Barandiaranen Galbahea: Ez gara dena ahazteko nahikoa biziko poema-liburuaren egokitzapen eszenikoa izango da, Rafa Rueda, Urdin Baraiazarra, Uxue García, Mariana Blanco, Amaia García eta Lander Bilbaorekin.