Berrikuntzaz beteta dator ikasturtea Emakumeen Txokora

Berrikuntzaz beteta dator ikasturtea Emakumeen Txokora
Ohi bezala, Azpeitiko Emakumeen Mahaiak Jabetze Eskolak, askotariko ikastaroak, film eta dokumental emanaldiak eta hitzaldiak antolatu ditu, besteak beste, datozen hilabeteetarako. Irailaren 21ean irekiko dute Jabetze Eskoletarako izen-ematea. Aurten, berrikuntza bezala, Neska* gazteen txokoa eta gune informala izango dira Emakumeen Txokoan. Gainera, arreta zerbitzuak ordutegi zabalagoa izango du aurrerantzean.