Getxoko udako kultur agenda. Bosteko 2020 erakusketa ibiltaria Getxon abiatuko da aurten. Oraingo ekitaldian mendebalde eta ekialdearen arteko adiskidetasuna izango da ardatza eta, ohi bezala, hiru artisten lanak bilduko ditu. Javier Landeras argazkilariak lurralde, paisaia, natura eta kultura kontzeptuak lotzen ditu bere lanetan. Laura San Juanen pinturak Zen izaera eta ekialdeko artea dute iturburu eta, azkenik, Mikel Lertxundi eskultoreak naturaren indar estalia eta etengabe sortzen ari dena erakusten ditu bere lanetan.