Donostiako Aste Nagusia 2024. Donostiako Udalaren Musika eta Dantza Eskolako BIG BAND taldea 1999 urtean sortu zen Musika Modernoaren departamentuaren baitan. Egun Ibon Irijoak zuzentzen duen taldea Eskolako ikaslez osatua dago bere osotasunean. Big Bandak hainbat kontzertu eskaini ditu bere ibilbide musikalean zehar errepertorio zabalarekin; jazz klasikotik hasi eta blues, funky, latin-jazz edo rock estiloko gaietaraino.