Ekainaren 4an, asteartea, ikasturteko Urdin Elektrikoko azken saioa izango da. Oraingoan Altxa Lili kabareteko Oihan Indart, Ael Campistron eta Maiana Etxeberri Keufterian izango ditugu gurekin.

Altxa Lili kabareta Atharratzeko Bekat’uros egunetako sortu zen 2023. urtean. Baserri gunean sortu edo bizi diren queer pertsonek osatzen dute eta Lapurdi, Baxe Nafarroa eta Xiberua barnekaldean LGTBI+ erreferentzia eskasia bati ihardokitzeko helburuarekin sortu dute proiektua.

Umorea eta kritika nagusi duen ikuskizun honen nondik norakoak kontatuko dituzte eta saioaren zatitxo bat ikusteko aukera emango dute. Ez galdu!