Gaur egun 30 urteren bueltan dituzten gazte askoren soinu banda bihurtu ziren Betizu taldearen kantak duela bi hamarkada. Etxe askotan telebistaren aurreko hitzordu garrantzitsu bilakatu ziren Betizu-ren saioak 2002tik 2006ra bitartean. Fenomeno berezia izan zen nerabe haiek sortu zutena, eta orain, goia jo zutenetik hogei urtera, gala bat grabatu dute EITBren Primeran plataformarako. Ainara Epelde (Azpeitia, 1991) abeslaria talde entzutetsu hartako kide izan zen 11 urte zituela, eta ez du hutsik egin berriz elkartzean. Gukak harekin hitz egin du.