2024ko Organorako Musika Nafarroan Zikloaren barne. "Nahiz eta Pilar Cabrera interpreteak ibilbide luzea izan, orain arte ez zuen bisitatua Organo Musika Nafarroan zikloa. Nafarroako organorik entzutetsuenetako bat joko du gainera; hain zuzen ere, Berako San Esteban elizakoa. Musika tresna horrek mito eta berezitasun propioak ditu, Aquilino Ametzua organogilearen nahien emaitza baita; Ametzua anbizio handiko pertsona zen, irmoa eta autoestimu handikoa. Berako organoa aunitz estimatzen dute herrian eta, horregatik, aktibo mantendu dute beti, ondare horren balio kulturala eta afektiboa hedatzeaz gain. Pilar Cabrerak dakarkigun programa da musika tresna horrek merezi duenaren parekoa, ez bakarrik duen interes musikalarengatik, baita Ametzuaren ibilbide profesionalaren laburpena egiten duelako ere. Hark egindako organoek, batetik, antzekotasunak dituzte haren garaiko organogintza frantziar eta britainiarrarekin eta, bertzetik, oinarrituak daude Ametzuak familiatik jasotako tradizioan, haren aitzinekoak ere organogileak baitziren. Hala, arratsalde honetako proposamen musikalean adituko ditugu egile euskaldunek, espainolek, frantsesek, britainiarrek eta alemanek idatzitako lanak. "