Xabi San Sebastian (gitarra eta ahotsa), Karlos Arancegui (bateria), Nando Lutxo Neira (baxua eta kontrabaxua), Satxa Soriazu (teklatua eta eskusoinua), Gari Otamendi (biolina eta biola). Xabi San Sebastianen bosgarren diskoak Betazalak du izena. Tantaz tanta destilatutako hamar kantu berri dakarzkigu, hamar begirada. Folk kantautoreen ildoa jarraituz, soinu akustiko finez jantzitako hitz poetiko-politikoak landu dituzte Harkaitz Cano, Beñat Gaztelumendi, Iñigo Astiz eta Xabik berak. Gainera, musikariaren lehen diskoaren aurkezpenaren 20. urteurrena beteko da.