2024ko Bidasoa Folk jaialdiaren barruan. - PAUSE (Euskal Herria)Intimista eta sosegatua, sakona, eta, era berean, lebitatzailea, Pause lan borobila da, gure inperfekzio emozionalak laztantzen eta arintzen dituena. Atmosferak sortzen dituzten diskoez ari garenean –soinu-banden kasuan gertatzen den bezala-, loa osagarriaren susmoa hartzen digu maiz eta amaitu gabe uzten gaitu: musika aditza da ala osagarri hutsa? Oso gutxitan, atmosfera atrezzotik urrundu eta erdigunea hartzen du: behe-hodeietako gogo-aldarte horiek gatibu eta gatibu egiten gaituzte, haien eragin-eremuan trabatuta. Horixe da Xabier Zeberioren lan honen kasua; esnatze lanbrotsua, tristurarik gabeko malenkonia, aireportu hilkor batean etendako denbora. Egun berri bati aurre egiteko edo bertan behera geratzen den arratsaldeaz gogoeta egiteko behar den etenaldia dakarren musika. Trikimailurik gabeko dardara hutsa. - N'FALY KOUYATÉ (Guinea)N'Faly Kouyatéren musika estiloa fusio liluragarria da, afrotronix bat, AfroBeat, AfroTrap, AfroRap, Rythm & Blues, munduko musikak eta jazza nahasten dituena. Aniztasun horrek bere ibilbide musikal berezia islatzen du, bere sustrai ginearrak rock, jazz, world music eta antzeko musika korronte unibertsalagoekin nahasten dituena. N’Faly Kouyate balio anitzeko figura artistiko karismatikoa da, publikoa hausnarketa sakon batera eramateko gai dena, erabakiak hartzera eta abusu sozialen aurka jardutera bultzatzen duena. Haren eragin positiboa aitortu dute Hegoafrikako kultur erakunde handiek.