Sindikatuak elkarretaratzea egingo du hiriburuan ostegunean, 11:00etan, ezbeharra salatzeko

UGT-Euskadik langile baten heriotza deitoratu du. Gasteizen izan da, beharrean ari zen obran harrapatuta. Lehenik eta behin, UGTko Industria, Eraikuntza eta Nekazaritzako Federazioak, FICAk, doluminak agertu nahi izan dizkie 51 urteko gizonezkoaren senide eta gertuko guztiei, Euskadin laneko ezbeharren urteko lehen biktima bihurtu baita.

Ildo horretan, Juan Carlos Cardenas UGT-Euskadiko Segurtasun eta Lan Osasuneko arduradunak kezkaz adierazi du urte berriko zazpi egun ere ez direla igaro EAEko lan-eremuan Â«lehen biktima hil baino lehenÂ». Horregatik, eragile eskudunei, Osalani eta Lan Ikuskaritzari, Â«heriotza eragin duten arrazoiak sakon ikertzekoÂ» eskatu die.

Gaur goizean, Baskonia-Alaves taldearen akademiak Zurbanoko Atean dituen futbol-zelai berrietan, hondeaketa eta garraio enpresa bateko langilea hondeaketa-pala batek harrapatu du.

Cardenasek gogorarazi nahi izan du Â«enpresek erantzukizuna dutela langileen lan-osasuna zaintzeko orduan, eta beharrezko baliabide guztiak jarri dituztela lanean ari direnen bizitzak arriskuan jarriko ez dituzten lan-baldintza onak bermatzekoÂ». Gainera, iragarri du sindikatuak elkarretaratzea egingo duela bere Gasteizko egoitza aurrean (San Antonio 45), urtarrilaren 9an, 11:00etan, heriotza salatzeko eta doluminak adierazteko.

UGTk Gasteizen gertatutako lan-istripu hilgarriaren arrazoiak ikertzeko eskatu du