TRK. (Torrekua, eraikina duen izena) proiektuaren helburua kulturen eta belaunaldien arteko elkar ulertzea sustatuko duen topagune bat sortzea da, ezagutzak eta balioak elkartrukatuz. Herritarren arteko errespetua, berdintasuna eta babes soziala bermatu nahi ditu horrela.




Proiektua atzerriko herritarrei, bertakoei eta haurrei zuzenduta dago, eta adinari eta jatorriari lotutako estereotipoei aurre egitea du helburu, aniztasuna funtsezko balioa izango duen gizarte bat sortzen laguntzeko.

Horretarako, parte-hartzea sustatzeko gune eta testuinguru irekiak sortuko lirateke, belaunaldi eta kultura desberdinetako pertsonen arteko topaketa eta bizikidetza bermatuz. Horrela, ospitale zaharra 3 espaziotan banatuko litzateke:




T gunea: parte-hartzea eta interakzioa sustatzen duen jangela

R gunea: ongietorri eta aisialdirako gunea, mundu guztiari irekia.

K gunea: proiektuak garatzeko eta desberdinen artean ezagutza partekatzeko gunea.




MUko Diseinu Estrategikoko Masterreko ikasleek urtarrilaren 28an Arrasateko Eskola Politeknikoan aurkeztu zuten proposamenetako bat da hau, “Etorkizuna Eraikiz GEROLAB” proiektuaren testuinguruan. Proiektua Amaña auzoko ospitale zaharraren etorkizuneko erabilerari buruzko hausnarketa egiten ari da, Eibarko Udalak eraikina belaunaldien arteko zubi bihurtzeko ekimenari jarraituz.




"GeroLab Eraikiz" proiektua, Gipuzkoako Foru Aldundiaren "Etorkizuna Eraikitzen" ekimen estrategikoaren barruan dago, eta Mondragon Goi Eskola Politeknikoaren (DBZ) Diseinuko Berrikuntza Zentroa garatzen ari da, Isea berrikuntza zentroarekin lankidetzan.