"Art%SPORT kirolaren aztarnak" Eloisa Montoya Azpeitia (Gasteiz, 1979) artista bere ibilbidean behin eta berriz errepikatzen ari den gaietako batera itzultzen da: gertatu dena eta jadanik ez dagoena irudikatzea. Denboraren iragatea, iraunkor bihurtutako uneak, erregistratutako arrastoak, mugimendua, ekintza. . . obra hauen narratibaren parte dira, modu ia performantikoan sortuak, hainbat material (oxidoa, akrilikoak, zementuak, marmol hautsa, olio diluituak. . . ) eta hainbat tresna (kirol zapaten zolak, pilotak, gurpilak, etab. ) erabiliz. Artea eta Kirola, beren oihartzun, seinale eta marketan elkartuta.