Oraingoan Martin Prevosten Violette filmari buruzko zineforuma eginez, ikasturte honetako Matinée ekimenaren baitan, ziklo formatoan landuko dugun "Emakumeak banan-banan" gaiari buruz mintzatzeko aukera izango dugu. Femeninoa beti izan da enigmatikoa eta historian baztertua. Freudek berak bere buruari galdetzen zion desira femeninoaren misterioaz, eta Lacanek planteatu zuen ez dagoela unibertsal femeninorik. Ez dago "Emakumea", emakumeak baizik, banan-banan. Hori da emakume bakarren istorio berezien bidez aztertu nahi duguna. Elkarrizketa Diana Echeverriak (psikoanalista) eta Arantxa Egurcegui (Zinemak liluratuta duen pertsona) bideratuko dute.