Durangoko Azoka 2020ren barruan. KORRONTZI & Xabier Amuriza: Koplariak (Disko berriaren aurkezpena). Korrontzik 2020. urte honetan Koplariak izeneko disko berria aurkezten digu. Taldearen hamargarren disko hau Korrontzi eta Xabier Amurizaren (bertsolari, idazle eta ikertzaile) arteko kolaborazioaren fruitua da. Korrontzi, bere ibilbideko hamasei urteetan zehar, mundu zabalean tradizio oso baten erakusleiho bilakatu da, euskara, euskal dantza eta musika, hainbat herrialdetako "World Music" jaialdi garrantzitsuenetan ezagutzera emanez. Lan honekin erraietara bueltatzen dira, bertan euskal koplagintzari musika herrikoiaren barnean daukan garrantzia eman diote. Parte hartzen dute: Agus Barandiaran eta Xabier Amuriza.