Klasikoetara itzultzen gara, interpelatzen jarraitzen gaituztelako, gizakiaren gatazka betierekoez eta konponezinez hitz egiten jarraitzen digutelako. Pablo Remón dramagile eta zuzendariaren antzerki-proiektu berezi honek testu klasiko bat berreskuratzen du: Anton Txekhoven Osaba Vania, erantzun gabeko maitasunaren eta denbora igarotzeari buruzko gogoeta interesgarria.

Gainera, Vania x Vania bi obrek osatutako proiektua da. Bi hurbilketa desberdin testu berera, bi bertsio berri eta originaletan berridatzia, estilo erabat desberdinetan. Bi obra independente, aktore berberek antzeztuak -Javier Cámara, Juan Codina, Israel Elejalde, Marta Nieto, Manuela Paso eta Marina Salas-.

EGILE ETA ZUZENDARIAREN OHARRAK

Txekhovera itzuli gara, ez hainbeste hangoaz (iraultzaren aurreko Errusia) eta ordukoaz (XIX. mendearen amaiera) hitz egiten digulako, baizik eta hemen eta orainaz mintzo delako. Nor zara zu? Nola aukeratzen duzu zure bizitza bizitzea? Zure bizitza komedia ala tragedia al da?

Testu klasiko baten irakurketa zuzen bakarra al dago? Ez dut uste, klasiko bat, hain zuzen ere, amaigabeko irakurketak egiteko aukera ematen duena da eta, beraz, agortezina da. Muntaia bakoitza proba berri bat da, testura botatzen den galdera berri bat. Galdetzen duzunaren arabera, begiratzen duzunaren arabera, fokua jartzen duzun tokiaren arabera, erantzun desberdinak ematen ditu. Erantzun horiek dira zure muntaia. Gaur egun klasiko batez egiten dugun muntaia bakoitza jatorrizko testuarekin eta aurreko muntaketen herentziarekin egindako elkarrizketa bat da. Vania antzeztu duten aktore guztien mamua gaur egun aktore jakin batek egiten duen Vania partikularrean dago.

Vania x Vaniak lan honetara hurbiltzeko bi bide erakutsi nahi dizkigu, hainbeste bide posibleren artean. Ez dut uste bat osoa denik, bat bera ere behin betikoa denik. Baina Txekhoven testuaren emankortasunaren erakusgarri izango dira: Vaniak hor jarraituko du, enigma hutsa, galdera egokien zain.

Pablo Remón

2. BERTSIOARI BURUZ

Txekhoven berridazketa bi denboratan: Errusia, XIX. mendearen amaieran; Gaztela-Mantxa, egun. Zein puntutaraino jarraitzen dute jatorrizko laneko galderek indarrean egun?

VANIA X VANIA (1. BERTSIOA) kontsultatu nahi bazu sakatu hemen. Iraupena 105 minutuFitxa artistikoa

De · Egiletza: Pablo Remón. Dirección | Zuzendaritza: Pablo Remón. Intérpretes | Antzezleak: Javier Cámara, Juan Codina, Israel Elejalde, Marta Nieto, Manuela Paso, Marina Salas. Escenografía | Eszenografia: Monica Boromello. Vestuario | Jantzitegia: Ana López. Iluminación | Argiztapena: David Picazo. Fotos | Argazkiak: Vanessa Rabade. Una coproducción de Teatro Español y Teatro Kamikaze.