Durangoko Azoka 2020ren barruan. 4 urtetik 10 urtera bitarteko haurrei zuzendutako ipuin kontaketa. “Koralaren distira”, Mezulari argitaletxeak argitaratu, Maite Marquezek ilustratu, eta Kris Etxabek idatzitako album ilustratua da. Istorio honek kutsadurak, plastikoek eta klima-aldaketak ozeanoetan duten eraginari buruzko hausnarketa egiten laguntzen du. Kolorearen bidez, koralezko uharriak zaintzearen beharra jakinarazten zaie umeei. Bestalde, gustuko duguna egitearen garrantzia ere adierazten du. OHARRA: 10:30etik 11:30era honekin batera, beste bi aurkezpen izango dira. Beraz, sarrera erreserba egin ezkero hirurak ikusteko izango da.