Berbaro elkarteak Durangoko Film Laburren Lehiaketa egingo du 2020ko irailaren 11tik 12ra bitartean. Izena ematen duten parte hartzaileek 24 ordu izango dituzte antolatzaileek emandako gai, esaldi eta objektu bat abiapuntu hartuz bideolana grabatu, editatu eta entregatzeko. Euskaltzalez osatutako elkartea da Berbaro, Durango euskalduntzeko ekinean aritzen dena. Bada, film laburren lehiaketa antolatu dute elkarteko kideek, eta 500 euro banatuko dituzte irabazle eta finalisten artean. 2020ko irailaren 11tik 12ra bitartean egingo dute, eta parte hartzaileei gai bat, esaldi bat eta objektu bat emango zaizkie. 24 ordu izango dituzte bideolana filmatu, editatu eta entregatzeko. Momentuz, lehiaketaren dataren berri eman gura izan dute soilik, data gorde eta kamerak prestatzen hasteko deia egin. Lehiaketari buruzko informazio eta xehetasun guztiak abuztua amaieran emango dituzte jakitera.