Gasteizko Udalaren Liburutegi Sareak antolatutako egitarauaren barruan. 1980ko hamarkada: berunezko urteak Euskal Herrian. Iparraldea: ETAko iheslari errefuxiatuak aterpe bila; baina Iparraldean bertan bada bertakoen komando aktiborik ere. Horien artean, luzaroan ibiltari aritutako komando bateko kideak dira eleberriaren protagonista nagusiak. Ez bakarrak, ordea. Eta hori guztia Itxaro Bordaren begirada zoliaren ikuspuntutik, idazle zuberotarraren luma eskarmentudunaren eskutik.