ZURRUNBILO JAIALDIAREN BARRUAN. 2020ko apirilean Zurrunbiloko topaketa birtuala egin zen, eta euskal antzerkiaren komunitate txikiak bizi duen egoera eta kezka liburu kolektibo hau idazteko bultzada izan ziren. Bertan, euskal antzerki garaikidean mugitzen diren eta Zurrunbilorekin estu konektaturik dagoen belaunaldi ezberdinetako pertsonen ahotsak entzungo ditugu. Bere etorkizuneko begitazio utopiko praktikoak irakurtzeko aukera izango dugu. Liburu hau debaterako objektu gisa jaio zen, eta hala izatea espero dute antolatzaileek. EHAZEk argitaratu eta PDFn eskuragai izango duzue. Egun honetan, liburua aurkeztu eta eztabaida txiki baterako denbora izango da. Aldabeko Gizarte etxean izango da. 18:30ean Olatz Gorrotxategiren 43º13'44"N obra ikusteko aukera izango da.