Erlaxazioa, ahotsaren erabilera, idatzizkoa, arnasketa eta elkartze askea dira mintegi honetan norberaren barruan dauden mugimenduak eta ekintzak aurkitzeko erabiltzen diren baliabideetako batzuk. Bitarteko horietako batzuk bereizita aztertuko dira, geroago inprobisazio-prozesu luzeagoetan eta konplexuagoetan sartzeko. Vera Mantero

Vera Manterok dantza klasikoa ikasi zuen, eta Gulbenkian Balleteko dantzaria izan zen 1984 eta 1989 bitartean. 1987an hasi zen sortzaile gisa, eta laster hartu zuten Nova Dança Portuguesaren izen nagusitzat, bere lana Europa osoan, Argentinan, Uruguain, Brasilen, Kanadan, Estatu Batuetan, Korean edo Singapurren erakutsiz. 2000. urteaz geroztik ahotsaren lanari ere ekin zion, hainbat egileren errepertorioa kantatuz eta musika esperimentaleko proiektuetan batera sortuz.