2024ko NAKNafarroako Musika Garaikidearen Jaialdia irailaren 3tik 14ra bitartean ospatuko da. NAK Nafarroako Musika Garaikidearen Jaialdia da eta Garaikideak Musika Zentroak bultzatzen eta antolatzen du. 2015. urtetik, Iruñean etenik gabe ospatzen da (Nafarroa), irailean zehar. NAK jaialdia musikaren ikerketa, sorkuntza eta interpretazioa sustatzen du, abangoardiako adierazpenaren inguruan, eztabaida, pentsamendua eta hausnarketarako espazioak eraikiz.

Jaialdiak duen lan eredu kooperatiboari esker, urtero eragile kultural eta sozialen artean sinergia berriak sortzen dira. Horrela, eszenatoki musikalak eta estetikoak bultzatzeaz gain, gizarte integrazio guneak sustatzen dira.

Hezkuntza eta formakuntza lan garrantzitsua egiten du NAK jaialdiak. Edizio batetik bestera, proiektuak jarduketa-ildo berriak garatzen ditu, publiko berrien sorkuntza sustatzeko, jaialdia sendotzeko eta etorkizunera begira proiektatzeko. Jaialdiak integrazio esparruak proposatzen ditu, jarduera artistiko inklusiboak sustatuz. Horretarako, NAK jaialdiak esklusio sozialean dauden eta behar bereziak dituzten pertsonen garapen integrala bermatzen duten entitate desberdinekin lankidetzan egon da. Era berean, genero-berdintasuna sustatzen duten erakunde, elkarte eta artistekin harremanetan egon da, filosofia ez-sexista gizartean bermatzeko eta hedatzeko.

Gaur egun, lau lan ildok osatzen dute jaialdia: NAK Kontzertuak (sorkuntza eta interpretazioa), NAK Txiki (abangoardiako adierazpenen hastapena), NAK Didaktikoa (publiko berrien ikasketa eta ikasleen musika garapenaren estimulazioa) eta NAK Explorer (soinu ikerketa eta esperimentaziorako laborategia).

2016. urtean Yolanda Campos Berguak jaialdiaren zuzendari artistikoaren kargua hartu zuen eta aurten jaialdiaren 10. edizioa ospatuko da.