Algara eta jolasen bidez, bizitzako egoera guztietan, egunero eta nonahi musika dagoela erakustea da asmoa kontzertu honen bidez. Musikak, soinuek eta melodiek inguratu egiten gaituztela, alegia. Ia ordubeteko saioan, jolasean eta kantuan arituko dira pailazoak, musikaren erritmoan Xabier Zabala eta Lautadako eta Danbolin Musika Eskolako Orkestrako kideekin batera. Jaiotzear den haurrari eta haur jaioberriari abestuko diote. Titia ere kantuz emango diote, puzkerrari doinua jarriko diete, abestuko diote astoari, urtaroei, euri tantari… Maite zaitut ere kantuz esango diote elkarri. ”*Xabier Zabalak eta Imanol Urbietak ondutako kantak, Joxan Ormazabalen eta Pirritx eta Porrotxen hitzak.