Galdakaoko Udalak, herriko hainbat eragilerekin batera, hainbat ekintza antolatu ditu igande gauerako, ekainak 23, San Juan bezpera ospatzeko.

Ohiturari jarraituz, udari ongietorria ematen dion urteko gaurik laburrena suaren inguruan ospatuko da gure udalerriko bi lekutan, Muguruko landan eta Santi Brouard plazan. Hauxe da prestatutako egitaraua:

SANTI BROUARD PLAZA

22:00. San Juan suaren bueltan, erritualak eta konjuruak, ume jokoak, sanjuanetako kantuak, eta erromeria. Andra Mari Dantza Taldeak antolatuta.

MUGURUKO LANDA

22:30. Dantza ikuskizuna: ‘San Juanetako taupadak’, Taupadak Dantza Eskolak eta Zizpa Gazte Asanbladak antolatuta.
22:45. San Juan gaua: San Juan sua, txokolatada eta San Juan ura. Zizpa Gazte Asanbladak antolatuta.
23:00. Erromeria Gauegun taldearekin.

 

2024KO SAN JUAN GAUA