Sare sozialetako maskulinitateari buruz egindako hitzaldiak, emakumeen desioaren eraikuntza, "Vulcanizadas"
soinuak, bost urtez sexualki esplotatutako emakume baten esperientzia, printzesen ipuinei buruzko antzezlan bat, maitasunari buruzko show bat karaoke eta guzti, eta liburu baten aurkezpena dira Vital Fundazioak antolatutako ‘Genero berdintasuna’ zikloaren edizio berri baten proposamen erakargarriak. Guztira bederatzi jarduera dira, irailaren 20tik abenduaren 18ra bitartean egitekoak, Vital Fundazioaren Kulturunean (La Paz 5, Dendarabako 1. solairua) egingo den programazio oparo eta erakargarria osatuko dutenak. Lehenengoan, irailaren 20an (ostirala), David Parejak sare sozialetako maskulinitateari buruz hitz egingo du. Azaroaren 6an, Raul Maciasek gizonezkoen desioaren eraikuntza izango du hizpide. Eta abenduaren 18an, Sonia Encinas sexologoak emakumeen desioaren eraikuntzari buruz hitz egingo du. Saio guztietan zuzen-zuzenean aztertuko da nolako pertzepzioa dugun gutaz eta maila afektiboan nola lotzen garen besteekin. Eredu matxistak errepikatzea edota eredu horiek ‘modernizatzea’ eta interpretatzea funtsezkoa da berdintasunezko gizarte bat eraikitzeko, pertsona bakoitza aske izan dadin bere burua adierazteko eta harremanak izateko. Hitzaldietako sarrera doakoa da, baina aldez aurretik iritsiko zaigun gonbidapena www. fundacionvital. eus webgunetik edo Kordoi Etxetik (Aiztogile kalea, 24) erretiratu behar da, irailaren 9tik aurrera. Musika irailaren 26an iritsiko da, ‘Vulcanizadas’ taldearen eskutik. Euskadiko blues/soil banda hau emakumeek osatua dago soilik, urte hasieran kaleratu zuten lehen diskoa eta oso harrera ona izan du, bai kritikaren eta prentsa espezializatuaren aldetik, bai publikoaren aldetik. Taldearen konposizioak bluesaren eta soularen artean, adorearen eta etsipenaren artean, barrearen eta negarraren artean dabiltza. Sarrerak irailaren 12tik aurrera egongo dira salgai, 3 euroko prezioanUrriaren 8an, Isabel Mellén filosofo eta arte historialariak, Naiara Lopez de Munain kazetariaren ondoan, ‘El sexo en tiempos del románico’ liburu berria aurkeztuko du, XI. eta XIII. mendeen arteko intimitatearen berrirakurketa bat. Arte erromanikoan honelako irudiak oso ugari dira: koitoak, genitalak, erditzeak, gorputz biluziak. . . Gehienbat ikuspegi maskulinotik interpretatu dira, eta ikuspegi horrek bekatuzkotzat edo pornografikotzat jo izan ditu. Hitzaldi honek aurreiritzirik gabeko begirada bat planteatzen du, honako alderdi hauek ardatz hartuta: sinesmenak, genero eta botere harremanak, gogoeta obstetrikoak, tabuak eta Erdi Aroko gertaera politiko eta erlijiosoak. Amelia Tiganus, hizlari, idazle eta aktibista abolizionista izango da, azaroaren 8an, ziklo honetan oihartzunik handiena izango duen hitzaldietako baten protagonista. Emakumezkoen salerosketatik bizirik atera ondoren, bere esperientziari buruz hitz egingo du, Espainiako prostituzio etxeetan bost urtez sexu esplotazioa jasan
ondoren. ‘Sexu indarkeriaren, pornografiaren eta prostituzioaren arteko loturak: sexualitate osasungarria bizitzeko proposamen etikoak’ hitzaldian, azalduko du emakumeen sexu- eta ugalketa-gaitasuna nola bilakatu den esplotazio industria (munduko industria indartsuenetako bat). Feminismoaren laugarren olatuak sexu
indarkeria du agendaren erdigunean —prostituzioa, pornografia eta alokairuko umetokiak barne—. Bere ezagutza teorikoetatik eta lehen pertsonan bizitako esperientziatik abiatuta, Amelia Tiganusek teoria feminista eta marko legala analisi kritikoarekin konbinatuko ditu. Sarrera doakoa da, baina aldez aurretik iritsiko zaigun
gonbidapena www. fundacionvital. eus webgunetik edo Kordoi Etxetik (Aiztogile kalea, 24) erretiratu behar da. Azaroaren 27an eta 28an, Teatroz konpainiaren "No me toques el cuento" antzezlana programatu da. 95 minututan Disney printzesei buruz hausnartu eta hausnarketa egitera bultzatuko gaituzte. Printzesak: ederrak, alaiak eta onberak beti. Eta, jakina. . . guztiek dakite abesten. Baina, ezagutzen al dugu printzesa horien
bizitza? Ba al dakigu zer suposatu zien beraien maitagarri ipuinak? Zer gertatu zitzaien? “Eta zoriontsu eta bapo bizi izan ziren” leloaren beste aurpegia. ‘No me toques el cuento’ antzezpenak erakusten du nola lau printzesa matxinatzen diren eta ipuinaren beste aldea kontatzeko eskatzen duten. Kontatzen ez den hori, azken finean, ez delako esaten duten bezain polita. . . Sarrerak, 8 euroren truke, urriaren 28tik aurrera erosi ahal izango dira. "El bien querer" azaroaren 29an iritsiko da agertokira. Genero indarkeria lantzeko maitasuna, karaokea eta eraldaketa jorratzen dituen ikuskizun freskagarri eta desberdina, Psico Womanen eskutik (Isa Duque, psikologoa eta sexologo feminista). Harreman munduan konpondu gabe dagoen gai handi bat du ardatz solasaldi honek: nola sortu harremanak lankideekin, senideekin, adiskideekin, amodioekin. . . Kalitatezko hezkuntza emozionalik ez egoteak, aginduek eta genero-hierarkizazioak harremanak izateko orduan duten eraginak, gure gizartean nagusi diren mitoek eta ezaugarri pertsonalek koktel handi bat sortzen dute, eta horrek eragotzi egiten digu askatasunez eta behar bezala erlazionatzea. Jarduera honek gako horiek guztiak biltzen ditu eta modu dibertigarri, kantari, kañero eta, jakina, errespetuzkoan ematen ditu ezagutzera.