Durangoko azokan zehar San Agustin Kultur Gunea Szenatokia bilakatzen da, alegia, arte eszenikoen azokako plaza. Hala, egun horietan zehar euskarazko arte eszenikoen arloan, edozein disziplinatako pieza laburrak erakutsiko dira (antzerkia, dantza, zirkoa, magia, performance, bakarrizketa…). Emanaldi jarraiak izango dira goizean zein arratsaldean. Sarrera doan izango da eta ez da aldez aurretik lekurik gorde beharko. Aurtengo egitarau zehatza azarotik aurrera kontsultatu dezakezu Durangoko Azokako web gunearen Szenatokia atalean.