2024ko Dantzaldia jaialdiaren egitarauaren barne. LUNA CENERE | ItaliaShoes on forma antzinakoenetik atletismo eta dantza munduko ohiko jarreretarantz eboluzionatzen duten keinu eta mugimenduen fitxategia da. Oinetako pare bik baino ez dituzte dantzarien gorputzak janzten, eszenako beste subjektu bat bihurtuta. Gorputzaren ikerketa bat da, ikuspegi arkitektoniko batetik egina. Gorputzaren jarrera oso desberdinak zeharkatuz, biluztasunak dauzkan ahalmena eta sormen-sentsibilitatea erakusten ditu lan egiten den objektuari dagokionez. Aldi berean, objektuak berak jarduten du eszenan, errotzearen premia sortuz eta dena serioegi ez hartzeko beharra adieraziz. Korronte surrealistan eta Ren Hang, Eveline Bencicova eta AdeY-ren argazkietan inspiratuta, Luna Cenere-k gorputzean, haren jarreretan –bereziki atzerakoetan– eta keinuetan egiten ditu bilaketak. Ezkutuko esangurak gordetzen dituzten gorputzekin egindako paisaiak sortzen ditu eta bere partiturek antropomorfikoa dena ez ezik, gizakiaren sinbolikoa dena ere erakusten dute. Fitxa artistikoa:- Ideia eta koreografia: Luna Cenere 
- Interpreteak: Michele Scappa, Davide Tagliavini 
- Musika: Renato Grieco, New Order 
- Argien diseinua: Loris Giancola 
- Zuzendaritza teknikoa: Nicola Mancini 
- Ekoizpena: Körper National Center of Production hauen laguntzarekin: AMAT Marche, Centro di Residenza della Toscana (Armunia, CapoTrave / Kilowatt), Anghiari Dance Hub y Lis Lab / Cross FestivalLUNA CENEREDantza garaikidean diplomatu zen 2009an Ente di Promozione Nazionale Movimento Danza erakundean. Ikasketak amaitu zituenerako, hiriko eszena artistikoan inplikatuta zegoen jada, eta proiektu ugari garatuak zituen lurraldean. 2011n, Italia utzi eta SEADen (Salzburg Experimental Academy of Dance) eman zuen izena. Han graduatu ostean Belgikara lekualdatu zen 2014an. Urte hartan Deltebre Danza, Impulstanz eta La Biennale di Venezia jaialdietan hartu zuen parte, eta David Zambrano, Francesco Scavetta, Martin Kilvady, Josef Frucek, Linda Kapetanea, Matej Kejzar eta beste maisu batzuekin ikasi zuen. Anton Lackyren (Anton Lacky Company) eta Josef Fruceken (Rootlessroot) sorkuntzetan parte hartu du. 2014an, Simone Forti eta Anton Lacky-rekin lan egin zuen. 2016an, Virgilio Sieni konpainiako kide egin zen La Mer, L’avventura eta Il Cantico dei Cantici proiektuetarako. 2017an, Mario Martoneren Capri Revolutio filmean parte hartu zuen, Raffaella Giordanoren zuzendaritza koreikoarekin. Halaber, Ferito a morte (2022) eta Clitennestra (2023) antzerki-ikuskizunetarako koreografiak sortu ditu, Roberto Andò-ren zuzendaritzapean. SEADeko tituludun gisa, prestakuntza-laborategiak, mugimendu-ikerketa eskolak eta inprobisazio eskolak ematen ditu.