Azkuna Zentroak Zinemaldiko azken edizioan estreinatutako film sorta bat aurkezten du, Donostiako Zinemaldiarekin lankidetzan. Sail Ofizialean, Perlak sailean eta New Directors sailean proiektatutako bederatzi filmeko sorta bat da, hain zuzen, zinema-ekoizpenaren gaur egungo ikuspegiaren erakusgarria. Zenbait zinemagile garaikideren azken lanak sartu dira programan, hala nola François Ozonen“Quand vient l'automne”, Costa Gavrasen “Le dernier soufflé” eta Sean Bakerren “Anora”, Cannesko Urrezko Palmondoaren irabazlea.

Aintzat hartu dira, halaber, nazioartean ospea lortu duten emakume zinemagileak eta haien lanak, esate baterako Coralie Fargeat eta haren bigarren filma, “The substance”,, Cannesko Jaialdiaren aurreko edizioan gidoirik onenaren saria irabazi zuena; Fernanda Valadez eta Astrid Rondero mexikarrak eta“Sujo” filma, Sundanceko Epaimahaiaren World Cinema saria eskuratu zuena; eta Alauda Ruiz de Azúa eta haren fikzioko lehen saila, “Querer”. Azpimarratzekoak dira, halaber, Belk?s Bayrak turkiar zuzendaria eta “Gülizar”, haren lehen film luzea.

Tokiko zinemari dagokionez, bi film hauek proiektatuko dira: “Azken Erromantikoak”, David Pérez Sañudo zuzendariaren bigarren filma, Txani Rodríguezen izen bereko eleberriaren egokitzapena, eta “Marco”, Aitor Arregi eta Jon Garaño (Handia,?La trinchera infinita) zinemagileen azken lana, Veneziako Jaialdian aurkeztua.

“Dragonkeeper” eta “Robotia” animazio-filmak biltzen ditu ziklo honetako haurrentzako programak; programa horri loturik, topaketak egingo dira ikastetxeekin eta goizeko emanaldiak antolatuko dira asteburuetan. FILMAK

2024/09/30
"Marco". Jon Garaño, Aitor Arregi

2024/10/01
"Sujo". Fernanda Valadez, Astrid Rondero

2024/10/02
"Anora". Sean Baker

2024/10/03
"The substance". Coralie Fargeat

2024/10/04
"Querer". Alauda Ruiz de Azúa

2024/10/05
"Dragonkeeper". Salvador Simó, Li Jianping

2024/10/05
"Gülizar". Belkis Bayrak

2024/10/05
"Le dernier Souffle". Costa Gavras

2024/10/06
"Robotia". Diego Cagide, Diego Lucero

2024/10/06
"Azken Erromantikoak". David Pérez Sañudo

2024/10/06
"Quand vient l'automne". François Ozon