ABONU DENBORALDIA 2019/2020.Orkestraren Denboraldia beti gertakizun garrantzitsua izaten den obra batekin amaituko da: Gustav Mahlerren 2. Sinfonia, "Berpizkundea" izenez ere ezagutzen dena. Sei urteko lana eman zion sinfoniak egile bohemiarrari, eta bertan lehendabizikoz sartu zituen bai gizakiaren ahotsa, bai gai erabat lurtarra, ondorengo produkzioaren gehiengoan hain garrantzitsua izango zen ardatz tematikoa. Sinfonia hau sorkuntza izugarria da, eta lehen mugimenduko hileta-martxatik amaierako berpizkunde-koruraino askotariko soinu-paisaiak eta hausnarketa filosofikoak zeharkatzen ditu.Robert Treviñok Mahlerren musika maisutasunez lantzen duela jakina da dagoeneko mundu osoan, eta abagune berezi honetarako Mahlerren musikan espezializatuta dauden bi ahots-bakarlari gonbidatu ditu: Kate Royal sopranoa eta Justina Gringyte mezzosopranoa. Gainera, bertakoa den abesbatza bati ere luzatu dio gonbita, mundu osoan obra hau defendatu duen eta bere aurkezpen-gutun bihurtu duen abesbatza bati: Donostiako Orfeoiari.Sarrerak abuztuaren 1etik aurrera egongo dira salgai.

Kulturklik

Euskadiko Orkestra Sinfonikoa: "Transzendentzia"

Ziudadelako Bolborategian Javier Mina: Fusión erakusketa.Fusión se compone de 25 trípticos compuestos por tres fotos encuadradas in situ (nada de corta y pegas) y puestas en relación para crear un todo, una imagen nueva que establezca nexos y relaciones entre las partes que la componen. Están producidas por Carlos Cánovas en papel Ilford de algodón de 310 gramos utilizando para la impresión pigmentos con calidad de museo. Además, hay un tríptico de tamaño monumental (4 metros por 1,50) compuesto por tres fotos exentas. Se han impreso en foam de alta densidad y no van enmarcadas. Por último, hay un políptico en cartón pluma compuesto por cuatro fotos no enmarcadas que forman un conjunto de 2metros por 2 metros aproximadamente.Fusión nace del acto de pasear atendiendo a los detalles de lo que rodea al paseante y quiere transmitir las relaciones que quien pasea establece en su mente entre las diferentes figuras que ha sorprendido en un mismo paseo o que guardan relación con las que almacena en la memoria como consecuencia de otras caminatas. La exposición fusiona, por último, muchas horas de paseo y quiere transmitir a quien la contemple la importancia que pueden adquirir los detalles insignificantes y los lugares sin importancia. Ese es el poder de la mirada.

Javier Mina: Fusión"

Daniel Innerarityren (Bilbo, 1959) Pandemocracia (Galaxia Gutenberg) liburuaren aurkezpena. Bertan, mundua alarma-egoeran jarri duen koronabirusaren krisi honen hainbat alderdi jorratzen dira, munduko gobernantzaren gabeziak agerian utziz, gaur egun arriskuek eskala globala dutenean.Aurkezpena webguneko orri honetan bertan jarraitu ahal izango da, edo museoaren Youtube kanalean.

Daniel Innerarityren "Pandemocracia" liburuaren aurkezpena (online)

Ziudadelako labeak Juan Gorriti artistaren Del valle de Araiz a la Ciudadela de Pamplona erakusketa hartuko du. Otsailaren 21etik martxoaren 29ra. Ziudadelako Labea eta lorategiak.Juan Gorriti Goldazarena Oderitzen jaio zen, Larraunen (Nafarroa) 1942an. Zurgina dela esaten du, baina eskultorea eta margolaria ere bada. “Nik ez dakit artea zer den”, horixe errepikatzen du behin eta berriz; bere hitzetan, “sentitzen” duena egiten baitu. Jorge Oteizari eta Remigio Mendibururi esker murgildu zen artearen munduan, eta dagoeneko bere lengoaia propioa sortu du. Baserritarra eta artzaina jaiotzez, egurrarekin egiten du lan, batez ere. “Laugarren dimentsioa” eta “Gorriti urdina” dira bere zigiluak, eta hainbat erakusketatan bere lanak ikusteko aukera eskaini du: Euskadi, Paris, Bartzelona, Madril, Alemania eta Galesen besteak beste. Azkenekoa. 2019ko ekainean, Araitz Bailaran, Aralarreko Mailopean, Azkuen, Gaztarri.
Eskulturak, margoek eta grabatuek osatzen dute bere obra. Lurrak, suak, euriak eta denborak bere lanetan parte hartzen dute. Gaur egun, Arriben (Nafarroa) bizi da.ARAIZ BAILARATIK IRUÑEKO GOTORLEKURA
2019ko ekainean Mailopean (Azkuen) aurkeztu zen erakusketako pieza nagusi batzuk iritsi dira Iruñeko Gotorlekura. Araitz bailarako aireak, haizeak, euri langarrak, udako beroak eta euri ondorengo lur lurrunduak laztandutako piezak dira ondoren aurkezten direnak.
Udako solztizioari hasiera eman zion erakusketa hark, Gaztarri hitzarekin izendatutakoak, honek aldiz badirudi neguaren amaiera ekarri nahi duela, udaberriko ekinokzioarekin amaituko baita erakusketa hau. Lurra esnatzeko dei gisara, Gotorlekuko kanpoaldean burutu da instalazio garrantzitsuena.
Cromlech handiak ehundik gorako zurezko pieza landuak ditu, denak desberdinak baina osotasun orekatu bat adierazten dute. Inguruan daude Gorritik egin duen sormen prozesutik jaiotako sorgin edota pertsonaiak: orain dela milaka urte bizi izan ziren gizaki haien itxuraz galdezka hasi zen egunaren emaitza gisa, betizu urdina lekuko lanetan kokaturik.
Bere bi enbor erraldoien gainean atseden hartuz, behia infinituaren esanahiz margotu du artistak; urdinez. Txikitako oroitzapenak urdin berdinera goratuz, denboraren atzaparretatik ihesi, maite duen askatasunaren osagai izateko.
Labean, isiltasunean eta gordeta dagoen espazio lasai batean, Cromlechak geure pentsamendu barne-barnekoetara garamatza. Uki ditzakegu piezak eta zur landuak dituen zuloetatik eskuak eta begirada pasa nahi badugu. Zirkulu barrutik edota kanpotik ikus dezakegu inguratzen gaituena, askatasunez bertan eta bertatik zehar mugituz, geuk erabakiz sortutakoaren aurrean, non kokatu eta nola izan.

"Del valle de Araiz a la Ciudadela de Pamplona", Juan Gorritiren erakusketa

San Telmo Museoak ekainaren 2an, asteartean, irekiko ditu ateak, segurtasuna eta bisitarien lasaitasuna bermatzeko neurriak hartuta eta itxieran ikusgai zeuden erakusketa berdinekin.Berrirekiera ospatzeko, museoak sormen jarduera bat prestatu du, klaustroan egingo dena, 11:00etatik 12:00etara, Koldobika Jauregi artistaren eskutik.Ohiko ordutegiak mantenduko dira, hau da, museoa zabalik egongo da asteartetik igandera, 10:00etatik 20:00etara, etenik gabe. Astearteez gain, sarrera doakoa izango da igande arratsaldeetan ere, 16:00etatik aurrera, sarrera errazteko eta astearteetan kontzentrazioak murrizteko.Helburu berberarekin, museoak aldi baterako erakusketetara esklusiboki sartzeko aukera eskainiko die bere bazkideei, 09:00etatik 10:00etara, aldez aurretik hitzordua eskatuta.Sartzen den pertsona kopurua kontrolatuko da, museoaren edukiera guztizkoaren heren batera baino gutxiagora mugatuz; horri esker, pertsonako 16 metro koadroko espazioa egongo da batez beste; areto bakoitzeko edukiera ere txikituko da; eta erakusketa iraunkorraren ibilbide bat seinaleztatuko da, gurutzaketarik gerta ez dadin. Azken batean, neurriek bermatuko dute bisita modu atseginean eta seguruan egin ahal izatea.ErakusketakMuseoan ikusgai izango diren erakusketak, iraunkorraz gain, ixteko unean zabalik zeudenak izango dira, luzatuta: Atzera begirako poetika. Antton Elizegi argazki bilduma; Deabrua ote; eta Milaka eskuren isilpeko lana.ZerbitzuakErabilgarri dauden zerbitzuei dagokienez, etapa berri honetan ez da audiogidarik emango bisita egiteko, eta museoa eduki hori eskaintzeko aukera prestatzen ari da, pertsona bakoitzak doan deskargatu ahal izan dezan bere telefono mugikorrean. Ez da bisita gidaturik egingo, eta ekitaldi aretoa, hezkuntza tailerra eta liburutegia itxita egongo dira.Liburutegiak, ordea, liburuak mailegatzeko eta kontsulta bibliografikoak egiteko eskaerei erantzungo die bibliosantelmo@donostia.eus helbide elektronikoaren bidez edota 943 481569 telefono-zenbakiaren bidez (10:00etatik 14:00etara asteartetik ostiralera, eta astearteetan 16:00etatik 20:00etara ere). Mailegatutako materialak liburutegiko atearen ondoan jarritako postontzian utzi ahal izango dira, eta handik jaso eta berrogeialdi gunera eramango dira. Material bibliografikoa eta Gabriela Cendoya Bergareche Collection-en fotoliburuak gelan kontsultatu ahal izango dira aldez aurretik hitzordua eskatuta, betiere higiene eta osasun neurriak bermatuta.Urgulli dagokionez, hiru zentroak (Historiaren Etxea, Natur Txoko eta Udako Liburutegia) ez dira irekiko osasun neurriak behar bezala betetzen direla bermatzeko duten zailtasunagatik. Hala ere, Urgull mendiko ondare eta natur interesguneen mapa egiten ari gara. Planoa paperean editatuko da eta garapen birtuala egingo da, mugikorrean doan deskargatzeko.Aste hauetan, museoak bertan behera utzi ditu jarduera presentzialak, eta Internetera eraman du bere programazioa. Gainera, itxieran zehar ekimen ezberdinak jarri ditu martxan, #STMKuttunak bezala, erakusketa iraunkorreko piezak aurkeztu dituena eta maiztasun txikiagoarekin jarraipena izango duena, eta 2020. Pandemiaren lekukotzak: gure orainaren antropologia bezala. Azken hau ekainaren 18ra arte egongo da martxan, eta etorkizunean bizi izan dugun krisi hau eta nola bizi izan dugun ezagutzeko balioko duen artxibo kolektibo bat sortzeko lekukotzak biltzen ditu.

Koldobika Jauregi (San Telmo Museoaren berrirekiera)

Wajib - Palestina - 2017 - 96 min. - Zuz.: Annemarie Jacir - V.O.S.C.Fas Zinekluba ONLINE programazioaBere laugarren film luzean, Palestinako zuzendariak oreka egokia aurkitu du tonu dramatiko baten eta komiko baten artean, naturaltasunez, elkarrizketa atsegin eta dibertigarriak sortuz. Familia-argazki inspiratzaile eta errukiorra da, eta erreferentzia politiko ugari ditu. Palestinako Oscars sarietarako izendatu zuten Atzerriko Film Onenaren sarirako. Mohammed Bakri eta Saleh Bakri aita-semeen interpretazio bikaina.TrailerraFilmaren aurkezpena 17:45ean zuzenean youtube bidez: esteka.Filma ikusteko esteka lortzeko interesa duenak info@cineclubfas.com helbidean jar daiteke harremanetan.

Gaiak

Herriak

6/2/2020 gertaerak

Euskadiko Orkestra Sinfonikoa: "Transzendentzia"

Javier Mina: Fusión"

Euskadiko Orkestra Sinfonikoa: "Transzendentzia"

Daniel Innerarityren "Pandemocracia" liburuaren aurkezpena (online)

"Del valle de Araiz a la Ciudadela de Pamplona", Juan Gorritiren erakusketa

Koldobika Jauregi (San Telmo Museoaren berrirekiera)

Fas Zinekluba: "Wajib" (online)